بركان الوفة

ذبل ورد الحدايق لمن مريت
لان شافك شمس في هيأت انسان


بركان الغضب من ينفجر غيض
وانتة البلوفة تنفجر بركان


ياحضرت ترف ياكعبة للروح
يمك انسة همي وكل الاحزان


شتضن اگدر اوصفك بالشعر لا
لي هسة الك مالاكي عنوان


ياكلبي وحياتي وياضوة العين
موبس انة احبك كلي ولهان


من كد ما حلو داخ الحسن بيك
ضل بيك الحسن لي هسة حيران


لان بسمت اشفافك تهجم ابيوت
وعيونك بحر والجفن سفان


يالوحت عشك ذوبت الاكلوب
يلهمسك قوافي وحجيك الحان


يلغيبتك ضلمة وشوفتك عيد
ياهبت اعذيبي بوسط بستان


سبحانة الي صاغك ومتعن بيك
لان دوخ بوصفك انس وي جان