تمنيتك فرح

تمنيتك فرح وانسى شكثر احزان
ما ظنيت منك تكثر احزاني
وتمنيتك مسافه من الدمع للعين
اخلصهه بوجودك واختم اشجاني
تمنيتك قصيده من الالف للياء
اكتبهه بسلاسه وابد ما اعاني
تمنيتك تحن وتكول هذا انسان
حباك وتعذب مو شخص ثاني
تمنيتك سؤال وحله انته تكون
تقاسمني دمعتي بزمن بجاني
واتمنيت لهفة عاشك ومعشوك
ولا لحظه بحياتك سهو تنساني
كثرن امنياتي وثقلتهه عليك
بس ما اريدهن منك بعد اني
مشنقة العشك كصت هوايه كلوب
وكلبي اليوم ملني وهوه كصاني
مل من عندي حقه ما فرح فد يوم
عفته سنين وحده الوحده يعاني
وداعا يا كلب مو مني كل الصوج
واحجي شما تكول انسدت اذاني