ما ترهم اهداء خاص جدا

ما ترهم اعوفج انه ميت بيج

ولاترهم اظل والروح خلصانه

انطيني الجواب ورحمه للميتين

اشنقيه الكلوب البيج ولهانه

خمر حبج يفيض وجرف نهر الشوك

غرك روحي بيج وصفت سكرانه

ردت ارتاح يمج يلملكتي الروح

وفي حبج كسر وسنيني تعبانه

طول ليل شوكي والظلام سيوف

وفجر وجهج تعطل ليش ماجانه

مثل علج البطر صرنا بحلك شمات

يحلوه البعد عنج هيج سوانه

متمنيه العيون تشوف وجهج عيد

رمضاني طويل وروحي عطشانه

قطار العشك تاه وسجته اتانيج

ومحطات العمر من رحتي خربانه