استراحه ملونه ...؟

1.فاتحه عيوني من امس نصبت عليك

وعمري يلطــــــــــــــــــــــــــم عالسنين الرايحه


وتدري لوبس جاي ومضحك العيون


كبل لاتكعـــــــــــــــــــــــــــــــــــد تطيح الفاتحه


....


2.امس بستك بخدك ردتك تشوف


وتعرفني بصراحه شكــــــــــــــــــد اودك


يسألوني واجاوب بالاشارات


لان حلكي مــــــــــن امس ظل اعله خدك


.....




3.وين رايح يالخذت روحي ومشيت
هــــــــــــواي صارن بس الك ناسيهن
عيوني عدك بيش اشوفك لو اجيت
فـــــــدوه جيب عيوني اشوفك بيهن


......



4.موجديده اعليك لوسكته مشيت
ولاجديـــــــــــــــده اعليك من تنساني
تاني كتلي ..وعالدرب ياما تنيت
ومــــــــــــن كثر ماتاني صرت متاني
انت كل ساعه تجي وبيدك جديد
ولونشدتك كتلي مـــــــــــن صحباني
انت ماعندك كلب عندك قطار
وادري بس انزل تصعــــــــــــد ثاني


...........



4.عدي خل امدوخ الوادم ضواه
ايدلي الاعمه اعلــــــــــه الدرب ويكوده
حطو اكباله الشمس صاحت يبوي؟
اعيوني راحـــــن من ضوه البخدوده


...


5.ناذرين نفصل ابيض لو اجيت..؟
وفــــــــــــــــــــــــرح لعيونك نبدل اثيابنه
وتدري من شفناك حضرنه الهدوم
وكبــــــــــــل لانلبس ..؟ لبسهن بابنه


...


6.صاحــو باسمك امس حسبالـــــــي اجيت
وفرفحت روحـــــــــــــــي اعله طاري احروفك ؟؟
وصحت وينه..وجنت اظن بس انه اصيح
ثاري كلهــــــــــــــا تصيح خـــــــــــــل انشوفك


...



7.حيره والله اوياك جبناهه السنين
امجتفات اعيوننه اعلــــــــــه طيوفك
انت ماتنشاف لوجيت بنهار
مــــــــــــــر علينه بليل حته نشوفك


.....


8.تريد احبك ؟؟
انه احبك من زمان ....
الورد ؟ فك عينه على الفراشه
من جنت تبجي وره امك من تروح ...
وتسكت من اتجيبلك خرخاشه ؟


....


9.ماعاتب واكلك انه زعلان


واكسرخاطـــــــــــــرك لوصار العتاب


امس للباب اجيت وبيدي العيون


شوف الباب تلكـــــــــــه عيوني بالباب


.....


10.اعذرني صايم جنت ماشفت بس رجليك


حسبالي قالب ثلج ذبيت روحي اعليك


......



11.عوديابس ؟ليش شاتلني برجاك
واعلة كطرة مـــــــــــــــاي ياما اتنطرت
سنين مرن وانت ماتدري بجفاك ..
امس رشو مــــــــــــــاي يمي وخضرت


.....


12.عميت لخاطرك وادميت العيون


وصرت سباح مفطـــــــــوم اعله جرفك


ماشوفك واعرفك لوتعديت


لان مــــــن ريحتك ظليت اعــــــــــرفك


....


13.مثل ماحن عليك بلهفه واشتاك


ومثل مامر عليك تمر علي كـــــــــون


امغمض من امر مااشتهي الشوف


بس لشوفتك شــــــــــــــايلها العيون


...


14.وياك اخذت العمر وتريد مني انساك


امخليني المن بعد دغلط واخذني اوياك


.....






15.شاعر وكلش اعجبك لوحجيت
واعله ومضــــــــــاتي وعلي ايحسدوني
ولايغرونك اذا كتبـــو عليك ...؟
ذولـــــــــــــه حته بحبك ايقلـــــــــــدوني
ومثل ظلك انه واكثر لومشيت
ووين ماتطي الوجــــــــــــــــــــه ابرالك
وحته لوحبيت غيري ولوهويت
غير ومضاتي شتظــــــــــــــــــــن يقرالك



>>>>








16..لاتدك باب اعله بيت ولاتصيح


ووين ماطاحــــــــــــن اعيونك انت طيح


انه اليه بكل درب منك جرح


وويـــــــن ماتمشي ؟ يكلك استريــح